Real Madridi ka shënuar fitore me rezultat 4-1 ndaj Las Palmasit në kuadër të xhiros së 20-të në La Liga.

Mysafirët e nisën më mirë ndeshjen duke shënuar në minutën e parë me anë të Silvas, shkruan Arbresh.info.

Kurse, “Los Blancos” pas pësimit të golit u rikthyen fuqishëm dhe shënuan tre gola në pjesën e parë.

Mbappe fillimisht barazoi nga penalltia në minutën e 18-të. Diaz e dërgoi në epërsi Realin ën minutën e 33-të.

Kurse tre minuta më vonë, Mbappe shënoi sërish për golin e tretë të Realit dhe të dytin individual.

Francezi shënoi një tjetër gol mirëpo goli i tij u anulua nga VAR-i.

Në pjesën e dytë, Rodrygo shënoi golin e katërt. Shtatë minuta pas këtij goli Las Palmas mbeti me 10 lojtarë, pasi Ramirez u ndëshkua me karton të kuq.

Madrilenëve iu anuluan dhe dy gola të tjerë të cilët i shënuan Bellingham dhe Valverde, për shkak të pozicionit jashtë loje.

Pas këtij tre pikëshi, Real Madridi arrin në kuotën e 46 pikëve dhe bëhet liderë në La Liga, me dy më shumë se Atletico Madridi./Arbresh.info