Real Madridi i është hakmarrë skuadrës së Leganes për eliminimin që ia kishte shkaktuar nga Kupa e Mbretit, duke e mposhtur të shtunën mbrëma në La Liga.

Madridi – që u fut në këtë ndeshje me formacion të dytë dhe pasi kishte udhëtuar pa Cristiano Ronaldon dhe kapitenin Sergio Ramos, të cilët Zinedine Zidane kishte vendosur t’i pushonte për ndeshjen e kthimit gjysmëfinale në Ligën e Kampionëve kundër Bayern Munichut – e mposhti 2-1 Leganesin në një ndeshje të zhvilluar në “Santiago Bernabeu” në kuadër të javës ë 35-të të La Ligës, raporton Gazeta Express.

Djelmoshat e Zidane e nisen mbarë ndeshjen duke gjetur rrjetën e portës kundërshtare qysh në minutën e tetë të takimit, kur Gareth Bale shënoi nga afërsia.

Reali, që e dominoi pjesën e parë në plotni, e dyfishoi epërsinë një minutë para pushimit, pasi Mayoral realizoi pas një harkimi në zonë.

Skuadra vendase vazhdoi dominimin edhe në pjesën e dytë, por ishte Leganes ajo që rrezikoi shumë më shumë dhe ia doli ta zvogëlojë epërsinë e Realin në 2-1, pas golit të Brasanac në minutën e 66-të.

Me këtë fitore, Reali i është afruar në vetëm një pikë vendit të dytë, Atletico Madridit.

Leganes nuk lëviz nga vendi i 16-të me 40 pikë, aq sa Levante në vendin e dytë dhe 12 më shumë se Deportivo La Coruna në vendin e 18-të.