Këtë vikend ka përfunduar xhiroja e nëntë në La Liga, me disa rezultate mjaft interesante ku e gjithë vëmendja ishte tek barazimi i Barcelonës tek Granada në udhëtim.

Në La Liga po kryeson Real Madridi me 24 pikë, e ndjekur pas nga befasia e kësaj sezone Girona me 22 pikë, ndërsa Barcelona ka ngecur një hap pas, me 21 pikë, teksa top katërshen e mbyll Atletico Madrid me 19 pikë me një ndeshje më pak, shkruan Arbresh.info.

Real Madridi ka vazhduar fitoret në La Liga, këtë javë madrilenët mposhtën Osasunën me rezultat 4-0, tek fitorja u kthye këtë javë Girona e cila mposhti Cadizin me retultat 1-0 dhe la pas humbjen që i shkaktoi ‘Los Blancos’ javën e kaluar.

Girona po vazhdon të jetë befasia e kësaj sezone.

Befasia e kësaj jave ka qenë padyshim barazimi i Barcelonës, të dielën mbrëma në udhëtim tek Granada me rezultat 2-2.

Barça ishte duke humbur 2-0, por falë një rikthimi arriti të dal me një pikë, në fakt ‘Blaugrana’ arriti të shënoj edhe golin e tretë por u anulua shkak i pozitës jashtë loje dhe mbeti rezultati 2-2.

Atletiko arriti të fitojë kryendeshjen e kësaj jave ndaj Real Sociedadit me rezultat 2-1, për të u afruar edhe më shumë liderit të La Ligas.

Atletico ka një ndeshje më pak atë me Sevillën dhe nëse arrin të fitojë, atëherë do ngritët në vendin e dytë.

Mallorca e Muriqit këtë javë ka luajtur me Valencian ku ka arritur një pikë nga ai duel.

Mallorca gjendet në pozitën e 15-të me 8 pikë teksa Valencia e nënta me 11 pikë.

La Liga do të rikthehet në aksion me 20 tetor , pas përfundimit të ndeshjeve të kombëtareve./Arbresh.info/