Federata e Futbollit të Kosovës sot gjatë ditës ka njoftuar se Agim Ademi do të jetë kandidati i vetëm për kryetarin e FFK-së në kuvendin zgjedhor që do të mbahet më 6 prill.

FFK-ja ka theksuar se Gramoz Vokrrit i është refuzuar aplikimi për kandidim, pasi ka gjetur parregullsi te nënshkrimet e delegatëve që i ka mbledhur ai, me theks të veçantë te nënshkrimet e FC Prishtinës dhe Ulpianës.

Ndërsa Vokrri, ka reaguar me anë të një postimi në Facbook,  ku theksonte se kjo tregon qartë tendencën e kundërkandidatit për të eliminuar kushdo qe i del kundër kandidat, përcjell arbresh.info.

Postimi i plotë:

“Komisioni fantom i « pavarur » brenda FFK-së vendos të refuzoj nënshkrimet e deponuara. Një gjë të tillë e bën jashtë çdo afati dhe normë statutare. Kjo tregon qartë tendencën e kundër kandidatit për të eliminuar me çdo kusht konkurencën dhe frymën demokratike të këti procesi. Në aryetimin FFK-së kontestohën nënshkrimet e KIKËS, ULPIANËS dhe PRISHTINËS. Të bashkangjitura keni faktet që dëshmojn të kundërtën. Këto nënshkrime kan emra, mbiemra dhe vendime nga klubet e tyre”, shkroi Vokrri në profilin e tij në Facebook. / arbresh.info/