Vdekja e Davide Astorit ka lënë dilema të mëdha.

Davide Astori ndërroi jetë më 4 mars të këtij vitit, duke pikëlluar shumë futbollin italian dhe jo vetëm.

Sipas ‘La Nazione’, dy mjekë janë duke u hetuar për vdekje e anëtarit të Fiorentinës, përcjell “lajmi.net”.

Dy doktorët po hetohen për vdekjen e Astorit, pasi nuk kishin bërë siç duhet testet e lojtarit, që dukej se kishte probleme me zemër.

Sipas asaj që u raportua edhe nga ‘ Corriere della Sera’, 31 vjeçari kishte të rrahura të ngadalta të zemrës, gjë që ndikoi që ai të vdiste në gjumë.

Ekspertët bëjnë të ditur se Astori mund të ishte ende gjallë, po të mos gabohej në testet mjekësore nga dy mjekët në Firencë.

Kështu, që të dy po përballen me akuza të rënda, e që mund të shpallen fajtorë për vdekjen e tij.