Një foto e Ivan Rakitic me gruan e tij Raquel Mauri dhe dy vajzat e tyre duke udhëtuar në Paris me një aeroplan të rregullt nga Sevilla ka ngjallur dyshime në rrjete sociale rreth mundësisë për të nënshkruar me PSG-në një vit pasi klubi francez kërkonte shërbimet e tij.

Megjithatë, siç raportojnë mediat në Spanjë, qëndrimi i tij në Paris, ku lojtari ka arritur dje, nuk i përgjigjet ndonjë negociate me PSG-në por është vetëm një udhëtim derisa lojtari po shijon pushimet e tij, transmeton portali arbresh.info.

Që nga arritja e tij te FC Barcelona, Rakitic dhe familja e tij kanë udhëtuar herë pas here në kryeqytetin francez për të shijuar parkun Disneyland Paris.

Një tjetër gjë që vërteton normalitetin e udhëtimit të tij është udhëtimi i rregullt dhe jo aeroplan privat siç mund të ndodhte në rast se PSG do të dëshironte të siguronte shërbimet e tij.

Rakitic tashmë ka shprehur në një intervistë për Mundo Deportivo katër javë më parë se është “shumë i lumtur” në Barcelonë”./arbresh.info/