Agjenti i Paul Pogba, Mino Raiola ka thënë se klienti i tij dëshiron të luajë në nivelet e larta.

Francezi që nga vera e kaluar ka kërkuar largimin nga “Old Trafford” me dëshirën për tu rikthyer te Juventus ose të transferohet në Real Madrid, transmeton portali arbresh.info.

Por, ende asnjë ofertë e dy klubeve nuk është pranuar nga “Djajtë e Kuq”, ngase gjiganti anglez nuk e ka ulur çmimin e lartë prej 180 milionë euro.

Raiola për mediat italiane ka thënë se Pogba dëshiron të qëndrojë në nivelet më të larta.

“Asnjëherë nuk e ka humbur buzëqeshjen, por një lojtar i mirë nuk transferohet te United nëse nuk dëshiron të fitojë Ligën e Kampionëve ose titullin e Premierë Ligës”.

“Do të isha budalla nëse nuk e pranoja se Paul dëshiron të qëndrojë në nivelet e larta”.

“Por, se pari do bëjë më të mirën dhe pastaj në fund të sezonit do të shohim nëse mbetet ose largohet”, deklaroi ai.

United për momentin renditët në pozitën e nëntë, gjashtë pikë me pak se Chelsea që zë pozitën e katër./arbresh.info.