Rafael Nadal ka fituar për herë të 11-të në karrierën e tij “Grand Slam” të Francës, “Roland Garros”, duke u konfirmuar si tenisi më i madh i të gjitha kohërave në sipërfaqen me dhe të kuq.

Tenisti spanjoll fitoi “Grand Slam” numër 17 në karrierë dhe konfirmohet si numri 1 i renditjes së përgjithshme ATP në tenis për meshkuj.

Në finale, 32-vjeçari fitoi me rezultatin e pastër 3-0 (6-4, 6-3 dhe 6-3) ndaj numrit 8 në botë, austriakut Dominic Thiem, i vetmi që e kishte mposhtur Nadal dy herë në dheun e kuq.

Por këtë herë finalja nuk pati histori dhe Nadal fitoi me lehtësi set pas seti duke konfirmuar superioritetin e tij të jashtëzakonshëm në “Roland Garros”. Në gjithë historinë dhe cirkutin e tenistit botëror askush nuk ka fituar një “Grand Slam” në 11 raste.

Gjatë gjithë këtij edicioni të turneut francez, në gjashtë fitoret e arritura, Nadal humbi vetëm një set.

“Grand Slam” i ardhshëm do të jetë “Wimbeldon” në Angli, ku Rafa do të synojë të thyejë hegjemoninë e mbretit të fushave me bar, Roger Federer.