AS Saint Etienne dhe Paris Saint Germaini kanë ndarë pikët pas ndeshjes së zhvilluar mbrëmjen e sotme (e premte).

Nikoqirët ishin duke udhëhequr me rezultat 1 me 0 deri në minutën e tretë të kohës shtesë, por përpjekjet e tyre për të siguruar tri pikë ndaj gjigantit francez u shuan me një autogol në sekondat e fundit, shkruan portali arbresh.info.

Remy Cabella arrti të mposhtë portierin Alophonse Areloa në minutën e 17′ duke realizuar golin e epërsisë. Mesfushori i Etiennes kishte gjithashtu shansin për të dyfishuar rezultatin por dështoi me goditjen nga pika e bardhë në minutën e 31′.

Lexo edhe: Areola shpëton PSG-në, mbron penaltinë falë Kylian Mbappes

Sidoqoftë, skuadra e tij arriti të mbajë avantazhin e siguruar në pjesën e parë të ndeshjes deri në sekondat e fundit të këtij takimi.

Ish mbrojtësi i Arsenali Mathieu Debuchy i humbi dy pikë të sigurta skuadrës së trajnerit Jean Louis Gasset kur befasoi të gjithë duke shënuar autogol në minutën e tretë të kohës shtesë.

Takimi i zhvilluar në kuadër të xhiros së 32-të në Liga 1 përfundoi me rezultat 1 me 1.

PSG vazhdon qëndrimin në krye të tabelës me gjithsej 83 pikë, 16 më shumë se rivali më i afërtë – Monaco, ndërsa AS Saint Etienne qëndron në pozitën e tetë në tabelë me 45 pikë./arbresh.info/

Shikoni më poshtë dy golat e realizuar këtë ndeshje:

https://streamable.com/sutvm

https://streamable.com/1vxvr