Pas disfatës së dytë sezonale në xhiron e fundit kundër Lyonit, “Parisienët” i janë kthyer fitoreve pasditen e sotme (e shtunë) duke siguruar tri pikë të plota me lehtësi në Parc des Princes.

Paris Saint Germaini ka mposhtur me rezultat të thellë 4 me 0 rivalin e së shtunës – Montpellier, në ndeshjen e zhvilluar në kuadër të xhiros së 23-të në Liga 1, shkruan portali arbresh.info. Goli i epërsisë u realizua në minutën e 11′ nga sulmuesi Edinson Cavani, i cili theu rekordin nga Zlatan Ibrahimovic duke u bërë golashënuesi më i mirë i të gjitha kohërave në klub me gjithsej 157 gola.

Superylli Neymar dyfishoi epërsinë nga pika e bardhë në minutën e 40′, ndërsa goli i tretë u realizua nga Angel Di Maria në minutën e 70′ të pjesës së dytë pas asistimit nga Thomas Meunier.

Ish ylli i Barcelonës, Neymar gjeti portën sërish në këtë ndeshje duke shënuar për 4 me 0 në minutën e 82′ pas asistimit nga autori i golit të parë – reprezentuesi uruguaian Edinson Cavani.

Paris Saint Germaini tani ka 59 pikë në krye të tabelës, 11 më shumë se Lyoni në pozitën e dytë, ndërsa Montpellier gjendet në pozitën e shtatë me 31 pikë./arbresh.info/

Shikoni të gjitha golat e PSG-së:

https://streamable.com/7gcp4