Presidenti i Paris Saint Germain, Nasser Al-Khelaifi ka pranuar se është i “zemëruar” me spekulimet e vazhdueshme në lidhje me transferimin e Neymarit në Real Madrid.

Al-Khelaifi insistoi se klubi parisian ka “raporte të mira” me kampionin evropian, por nuk toleron që të kryhet ndonjë punë prapa skenave, transmeton portali arbresh.info.

“Nuk është një situatë e favorshme dhe ne kemi folur për këtë në Madrid”, ka thënë Al-Khelaifi në një intervistë për ‘Marca’.

“Asnjë klub nuk duhet të flas për lojtarët tanë as e kundërta, kjo jep një pamje sikur është duke u punuar diçka prapa skenave dhe kjo është e mërzitshme”

“Ne e respektojmë Real Madridin dhe presidentin e tyre, Florentino Perezin, ndërkohë ne gjithashtu shpresojmë që ata të kenë të njëjtin mendim për ne, është një raport i mirë”

“Ky është një mirëkuptim që ne duam të kemi me të gjitha klubet, jo vetëm me Madridin, sepse është e rëndësishme për të dialoguar çështjet përreth dhe të mos shfrytëzohen taktika fshehurazi”

/arbresh.info/