Sigal Prishtina ka arritur të shënoj fitoren e dytë sezonale në elitën e basketbollit kosovar, duke e mposhtur Borën me rezultat 94-81.

Kryeqytetasit dominuan në tre çerekët e parë duke e dërguar epërsinë deri në 29 pikë, mirëpo Bora u rikthye në periudhën e fundit dhe shkriu epërsinë deri në 13, shkruan Arbresh.info.

Lojtari më i dalluar tek Sigali ishte Arian Azemi me 19 pikë, nëntë asistime e pesë kërcime. Krahas tij performancë të mirë bëri edhe Bailey me 14 pikë.

Tek Bora më i dalluari ishte Rezard Memedi me 22 pikë, prej tyre pesë treshe.

Prishtina pas dy ndeshjeve ka dy fitore, kurse Bora ende nuk e shijuar triumfin këtë edicion. Takimin e radhës Sigali e luan ndaj Rahovecit në udhëtim.

Kurse Bora do të takohet me Pejën në shtëpi./Arbresh.info