Vashat e Prishtinës kanë arritur të shënojnë fitore ndaj vashave të Penzës me rezultat 68-56, në kuadër të gjysmëfinales së Superkupës së Kosovës.

Prishtina e filloj ndeshjen më mirë duke e fituar çerekun e parë me rezultat 22-11, ndërkohë basketbollistet pejane u këndellën duke fituar çerekun e dytë me rezultat 21-14, duke afruar epërsinë në katër pikë, shkruan Arbresh.info.

Kështu pjesa e parë përfundoi 36-32.

Pjesa e dytë i takoi komplet vashave të Prishtinës duke i fituar dy çerekët e fundit, atë të tretin me rezultat 14-9 ndërsa të katërtin 18-15, për ti dhënë epilogun final kësaj ndeshje 68-56.

Basketbollistja më e dalluar ishte Jade Williams që arriti dyshifrorin e dyfishtë me 26 pikë dhe 13 kërcime, ndërsa për Penzën më e mira ishte Tarzsa Garett që gjithashtu arriti dyshifrorin e dyfishtë me 23 pikë dhe 10 kërcime po ashtu shtoi edhe një asistim.

Prishtina në finale e pret fitueset e ndeshjes KBF Bashkimi- KBF Trepça./Arbresh.info/