Pochettino: Dele Alli i gatshëm ndaj Man Cityt

17:15 | 15 Dhjetor 2017
Arbresh Info

Trajneri i Tottenham Hotspurit, Mauricio Pochettino ka deklaruar se Dele Alli është i gatshëm dhe në dispozicion për ndeshjen e së shtunës në Premierë Ligë ndaj Manchester Cityt.

21-vjeçari nuk ishte i përfshirë në fitoren 2 me 0 të Tottenhamit kundër Brightonit mbrëmjen e së mërkurës, transmeton portali arbresh.info.

Reprezentuesi i Anglisë pritet të rikthehet në 11-shen startuese të “Spursëve” këtë vikend, por Pochettino insiston që sulmuesi është i “gatshëm” për ndeshjen kundër “Qytetarëve”.

“Ai është në rregull. Ai është i gatshëm. Ai ishte i sëmurë në ndeshjen kundër Stoke, prandaj ishte e rëndësishme për t’i dhënë pushim. Ai është duke u stërvitur mirë dhe është i gatshëm”, u ka thënë Pochettino gazetarëve.

Alli ka shënuar tri gola në Premierë Ligë deri tani këtë sezon./arbresh.info/