Liverpooli ka arritur të shënoj një tjetër fitore në frymën e fundit, kësaj radhe ‘The Reds’ triumfuan 3-2 në ndeshjen hapëse të Ligës së Kampionëve ndaj Atletico Madridit.

Kampioni i Anglisë e nisi ndeshjen për mrekulli duke shënuar përmes Robertsonit në minutën e 4-të, shkruan Arbresh.info.

Dy minuta më vonë, Salah dyfishoi rezultatin me një gol të bukur të asistuar nga Gravenberch.

Në fundin e pjesës së parë, Atletico ngushtoi epërsinë në 2-1, me shënimin e Marcus Llorentes. Po i njëjti futbollist barazoi rezultatin në 2-2.

Kur të gjithë po prisnin që ndeshja të përfundoi baras, në skën u shfaq kapiteni, Virgil Van Dijk, i cili bëri një shkëputje të mirë në zonë dhe goditja e tij me kokë shkoi në fundin e rrjetës, për ta rikthyer skuadrën në epërsi në minutën e dytë të kohës shtesë.

Liverpooli lëshoi një rast të artë me Ekitiken minutën e pestë shtesë për t’i dhënë vulë fitores.

Edhe Sorlothi humbi një mundësi të mirë në aksionin e fundit të ndeshjes, kështu që tre pikët mbetën në “Anfield Road”.

Takimin e dytë Liverpooli e luan në Stamboll ku përballet me Galatasarayn, ndërsa Atletico pret në shtëpi Frankfurtin./Arbresh.info