Presidenti i Real Madridit, Florentino Perez raportohet se tashmë i ka zgjedhur Eden Hazardit numrin e fanellës në skuadër.

Ylli i Chelseas është duke u përfolur shumë për transferim te klubi në Bernabeu pasi gjiganti në La Liga është duke u përgatitur për jetën në mungesë të Cristiano Ronaldos, transmeton portali arbresh.info.

33-vjeçari ka lënë të kuptohet se do të largohet nga klubi pas fitores në finalen e Ligës së Kampionëve ndaj Liverpoolit dhe Ronaldo tani duket se do t’i bashkohet kamponit në Serie A – Juventusit për një marrëveshje prej 100 milionë euro.

Perez është duke punuar për të rindërtuar sulmin e tij në mënyrë që të rikthehen nga sezoni zhgënjyes në ligë.

Spanjolli nuk e ka mbajtur sekret dëshiron e tij për të transferuar yllin e PSG-së, Neymarin, në klub.

Raportet në Spanjë sugjerojnë që Hazard është një shënjestër alternative në rast se transferimin i brazilianit dështon dhe ‘Diario Gol’, e njohur për pretendimet befasuese rreth transferimeve, thotë se Perez ka rezervuar fanellën me numër 7 për belgun.

Ky numër aktualisht është i okupuar nga Ronaldo, gjë që do të thotë se Hazard do të jetë në një presion të madh për të mbushur hapësirën që do të mbetet me largimin e tij nga Real Madridin./arbresh.info/