Atmosfera rreth përballjes mes Novi Pazarit dhe Jagiellonia Białystok në kualifikimet e Ligës së Konferencës u ndez jo vetëm në fushë, por edhe jashtë saj.

Të enjten mbrëma, në qytetin me shumicë boshnjake në jug të Serbisë – afër kufirit me Kosovën – tifozët vendas u përplasën me grupin huligan polak, të njohur për qëndrimet e tyre hapur anti-Kosovë.

24.07.2025, FK Novi Pazar – Jagiellonia Białystok🇵🇱, Torcida sandzak and ekstremi attacking Jagiellonia Białystok, click for more here: https://t.co/n9L34MaXMx

All in one place. Tap to download.
🔗 https://t.co/FXnrFRp1rX pic.twitter.com/KMus6Q478N

— Hooligans.cz Official (@hooliganscz1999) July 24, 2025

Provokimet nisën që para ndeshjes, kur huliganët polakë bënë thirrje kundër Kosovës gjatë udhëtimit për në Novi Pazar. Situata u tensionua edhe më shumë gjatë vetë ndeshjes, ku tifozët serbë u bashkuan me kore provokuese të tipit “Kosova është Serbi”.

Sipas raportimeve, tifozët boshnjakë reaguan me zemërim ndaj këtyre provokimeve dhe sulmuan huliganët polakë, duke shkaktuar përplasje të ashpra. Të paktën një tifoz polak ka mbetur i lënduar gjatë incidentit.

Pavarësisht trazirave jashtë fushës, Jagiellonia arriti të marrë një fitore 2:1, duke marrë një avantazh të rëndësishëm për ndeshjen e kthimit.

Organet e rendit pritet të hapin hetime mbi incidentet e dhunshme, ndërsa tensionet etnike dhe politike vazhdojnë të hedhin hije edhe mbi ngjarjet sportive në rajon.