Ballkani dhe Prishtina kanë luajtur baraz 0-0 në ndeshjen derbi të xhiros së 18-të në Superligën e Kosovës në Futboll.

Ballkani  kishte iniciativën por pa sukses, shkruan Arbresh.info.

Të vetmin rast për mysafirët e kishte Drilon Islami, por goditja e tij nga distanca u bllokua nga Qëndrim Zyba.

Pjesa e parë përfundoi 0-0, kurse në pjesën e dytë vendasit goditën shtyllën përmes kapitenit Edvin Kuc.

Rastin më të mirë për kryeqytetasit e kishte Leotrim Kryeziu, por edhe pse i vetëm me portierin vendas nuk arriti ta dërgonte topin në rrjetë.

Trajneri Ilir Daja u ndëshkua me karton të kuq pas protestave që pati në drejtim të gjyqtarëve.

Kështu përfundoi takimi ndërmjet pa gola dhe dy skuadrat morën nga një pikë nga kjo ndeshje derbi që përfundoi baras.

Ballkani mbetet në krye të Superligës me 39 pikë, derisa Prishtina mbetet në pozitën e pestë me 26 pikë./Arbresh.info/