Arsenali ka bërë një kërkesë fillestare për situatën e mesfushorit të Bayern Munich, Leon Goretzka, raporton talkSPORT.

Megjithatë, në këtë fazë një transferim i tij drejt Londrës shihet si i pamundur, shkruan Arbresh.info.

“Topçinjtë” po shqyrtojnë mundësinë e një përforcimi në ditën e fundit të afatit kalimtar, pas dëmtimit të Mikel Merinos.

Mesfushori spanjoll mungoi në fitoren bindëse 4-0 ndaj Leeds United të shtunën, pasi dyshohet se ka pësuar thyerje në këmbë.

Trajneri i Arsenalit, Mikel Arteta, konfirmoi pas ndeshjes se Merino do t’i nënshtrohet ekzaminimeve të specializuara për të përcaktuar shkallën e dëmtimit.

Leon Goretzka, është një nga emrat më me përvojë në Bundesligë.

Ai ka fituar gjashtë tituj kampioni me Bayern Munich dhe ka regjistruar plot 292 paraqitje me fanellën e klubit bavarez.

Profili i tij do t’i sillte eksperiencë të çmuar një Arsenali që synon seriozisht titullin Premier League.

Ndërkohë, Bayern Munich njoftoi javën e kaluar se Goretzka pritet të largohet nga klubi këtë verë, pas tetë vitesh të suksesshme në “Allianz Arena”.