Nuhiu pas fitore ndaj Trepçës ’89: Rezultati nuk është real, mysafirët luajtën mirë

15:23 | 8 Tetor 2022
A. B.

Trajneri i Dritës, Ardian Nuhiu, ka folur pas ndeshjes ndaj Trepçës ’89, të cilën e fituan me rezultat 3-1.

Nuhiu ka thënë se rezultati nuk ishte real për shkak se Trepça ’89 bëri një paraqitje të mirë, por shtoi se skuadra e tij ishte më e mirë.

Drita me fitoren ndaj Trepçës ’89, përforcon kreun, ku tani me 24 pikë është lider.

“Realisht, ishte një ndeshje e mirë dhe dinamike. Rezultati nuk ishte real sepse Trepça ’89 bëri një paraqitje të mirë, por portier Faton Maloku ishte fantastik”.

“Dy skuadrat luajtën një lojë të mirë dhe në fund fitoi ekipi më i mirë. Jam i lumtur për këtë fitore, e cila është meritë e të gjithë futbollistëve”.

“Po luajmë mirë dhe kjo është e rëndësishme”, ka thënë Nuhiu. /Telegrafi/