Nora Gjakova ka siguruar medaljen e artë në xhudo Grand Slam pasditen e sotme (e shtunë).

Xhudistja kosovare ka dalë fituese në finalen në kuadër të kategorisë -57 kilogramë në turneun e xhudos Grand Slam që është duke u zhvilluar në Abu Dhabi të Emirateve të Bashkuara Arabe, shkruan portali arbresh.info.

Nora është fituesja e vetme e medaljes së artë nga Kosova për shkak se Distria Krasniqi dhe Majlinda Kelmendi nuk arritën të triumfojnë në garën e fundit.

Kampionia e Evropës, Nora Gjakova mposhtu xhudisten ruse Anastasia Konkina.

Distria nuk kishte arritur të mposhtë në finalen e kategorisë -48 kilogramë xhudisten Urantsetseg Munkhababi, ndërsa Majlinda Kelmendi ishte detyruar të dorëhiqet nga gara.

Kelmendi bëri një rikthim të fuqishëm pas lëndimit që e mbajti për plotë 14 muaj jashtë garave duke arritur në finale, por në fund u detyra të dorëzohet në garën kundër xhudistes italiane Odette Giufrida si pasojë e lëndimit të hundës.

Në fakt, ajo u lëndua gjatë çerekfinales, por lëndimi iu përsërit dhe xhudistja jonë më e suksesshme ndërkombëtare u detyrua të tërhiqet./arbresh.info/