Ndëshkim i rëndë për kapitenin e Frankfurtit, për shtyrjen dhe rrëzimin e trajnerit të Freiburg

20:23 | 13 Nëntor 2019
A. B.

David Abraham nuk do të mundë të luajë më këtë vit për Frankfurtin, pasi u pezullua me shtatë javë mos lojë, për shkak se e kishte shtyrë dhe rrëzuar trajnerin e Freiburgut Christian Streich.

Kapiteni i Frankfurtit u ndëshkua me karton të kuq pasi e shtyu me krah Streichen, derisa u përpoq ta marrë një top që kishte dalë jashtë vijës së lojës në një ndeshje të Bundesligës këtë të shtune, transmeton Gazeta Express.

Federata e Futbollit e Gjermanisë e ka pezulluar mbrojtësin deri më 29 dhjetor, që nënkupton se ai nuk ka të drejtë të luajë në gjashtë ndeshjet e ardhshme.

Abraham nuk do të mundë të luajë deri në ndeshjen e Freiburgut kundër Hoffenheim më 18 janar, pas pushimit dimëror në Bundesligë.

What was he thinking ?

David Abraham deliberately runs into Freiburg head coach Christian Streich. pic.twitter.com/gcibpwVCWh

— GOAL (@goal) November 10, 2019