Federata e Volejbollit të Kosovës ka njoftuar se ish volejbollistja Vlora Hyseni, ka ndërruar jetë.

FVK ka shprehur ngushëllime familjes Hyseni, miqve e dashamirëve të saj, shkruan Arbresh.info.

“Me dhimbje e morëm lajmin e hidhur për kalimin në amshim të ish-volejbollistes Vlora Hyseni.

Vlora, që kontriboi drejtpërdrejt në sportin kryeqytetas duke qenë pjesë e klubit Mabetex e më vonë edhe Kolegji AAB, do të kujtohet përherë për pozitivitetin dhe profesionalizmin.

Humbja e Vlorës, lë boshllëk në komunitetin tonë, por ajo do të mbetet mes nesh përherë për kujtimet e mira që na la.

FVK i shpreh ngushëllimet e sinqerta familjes Hyseni, miqve e dashamirëve, me të cilët rrethohej në jetë e karrierë.

E kujtofshi sa të rroni”, thuhet në njoftimin e Federatës së Vollejbollit të Kosovës./Arbresh.info/