Napoli jep detaje nga lëndimi i Rrahmanit, mediat në Itali jepin datën e kthimit për kapitenin dardan

18:30 | 8 Shtator 2025
D.H

Amir Rrahmani është lënduar në ndeshjen ndaj Zvicrës dhe është detyrua ta lë grumbullimin me kombëtare.

Kapiteni i Kosovës është rikthyer tek Napoli ku ka filluar procesin e rehabilitimit, shkruan Arbresh.info.

Sipas një njoftimi zyrtar të lëshuar nga Napoli në platformën X, Rrahmani ka një tërheqje të lehtë të bicepsit formal në kofshën e djathtë.

“Rrahmani është rikthyer nga angazhimet me kombëtaren. Pas lëndimit të pësuar në ndeshjen mes Zvicrës dhe Kosovës, mbrojtësi i Napolit iu nënshtrua ekzaminimeve mjekësore në spitalin Pineta Grande, të cilat konfirmuan rezultatet e para të kontrolleve të kryera me Kombëtaren: bëhet fjalë për një dëmtim të shkallës së ulët në bicepsin femoral të kofshës së djathtë. Rrahmani ka nisur tashmë procesin e rehabilitimit”, shkruhet në njoftimin e Napolit.

Mediat italiane thonë se Rrahmani pritet t’i mungojë Napolit ndaj Fiorentinës në fundjavë, por pritet të kthehet ndaj Man Cityt, pas 10 ditësh./Arbresh.info