Arijanet Muric po vlerësohet pothuajse çdo javë për paraqitjet e tij në fushën e blertë.

Muric është pjesë e Ipswich Town në elitën e futbollit anglez, pas transferimit këtë verë nga Burnley.

Skuadra e Muric po lufton për mbijetesë, mirëpo paraqitjet e portierit kosovar po bien në sy gjithmonë.

WhoScored në formacionin ideal të Ligës Premier për muajin nëntor, bazuar te notat mesatare statistikore të futbollistëve, ka vendosur Muric, i cili kishte notë mesatare 7.22.

Në formacion kanë zënë vend edhe emra si Noussair Mazraoui, Matheus Cunha, Mohamed Salah, Bruno Fernandes, Dominik Solanke dhe Joao Pedro.

Gjiganti dardan u vlerësuar me notën prej 7.22 nga sajti i njohur në Britaninë e Madhe.

Ndeshjen e ardhshme, Muric me Ipswich Town do të sfidohen nga Crystal Palace, me takimin që luhet në “Portman Road”.