Sulmuesi spanjoll, Alvaro Morata ka shprehur dëshirën që në të ardhmen të luajë me Isco Alarcon në Stamford Bridge.

Morata u transferua në Chelsea gjatë verës së kaluar nga Reali për shumën e 75 milionë eurove, transmeton arbresh.info.

Ylli spanjoll momentalisht është i grumbulluar me kombëtaren spanjolle për dy takimet miqësore.

Ai është shprehur i kënaqur që është bashkuar përsëri me Isco si dhe ka folur si është shndërruar lojtar kyq për Reali dhe do të ishte një lojtar i madh për Chelsean.

“Do ta kisha marrë Isco në Chelsea”, tha Morata për Cadena Ser.

“Por unë mendoj se tani ai ka një rol shumë të rëndësishëm në ekipin e Realit, gjithashtu dhe në kombëtare. Kur ai ndihet i rëndësishëm, ai është i pandalshëm. E gjithë bota e ka parë atë se si po luan për Realin”, shtoi ylli spanjoll.

“Ai është lojtari më i rëndësishëm në Real Madrid dhe në kombëtare. Ai mund të ndryshojë lojën, ai e bën diferencën, Isco vallëzon me topin dhe për më tepër ai është një mik i imi”, përfundoi Morata.

Isco ishte pranë largimit nga Reali sezonin e kaluar pasi nuk kishte minutazh më ekipin e Zidane, por gjatë pjesës së dytë të sezonit të kaluar ai gjeti formën e tij më të mirë dhe ishte ndër lojtarët më të mirë në suksesin e Realit në La Liga dhe Ligën e Kampionëve. /arbresh.info/