Sulmues belg, Mitchy Batshuayi, gjatë muajit janar u transferua në Signal Indual Park nga Chelsea në formë të huazimit deri në fund të sezonit.

Batshuayi nuk arriti të bënte vend në formacionin e trajnerit italian të Chelseat, Antonio Conte, i cili i besonte më shumë sulmuesit spanjoll, Alvaro Morata.

Megjithatë, Batshuayi ka rigjetur formën e tij më të mirë pasi shënoi qysh në debutimin e tij javën e kaluar. Ai shënoi dy gola ndaj Kolnit, vetëm tri ditë pasi Chelsea u turpërua nga Watford me rezultat 4 me 1.

24 vjeçari golin e tij të tretë në fanellën verdhezinj e shënoi sot ndaj Hamburgut, në fitoren prej 2 me 0.

Pas këtij goli, tifozët e Chelseat kanë reaguar në rrjetin social ‘Twitter’ duke e fajësuar trajnerin, Antonio Conte, se nuk i ka besuar belgut.

Më poshtë mund të gjeni disa nga reagimet e tifozëve:

“Ne e lejuam Batshuayin të largohet dhe ai fillon të shënojë gola. Unë e urrej jetën time”, shkroi njëri nga tifozët e Chelseat.

“Njeriu kryesor @mbatshuayi shënon përsëri. Unë me të vërtetë shpresoj se një italian është duke e shikuar”, shkroi një tjetër tifoz.

“Batshuayi është i mirë. Conte nuk i ka besuar atij”, ka shkruar një tifoz i Chelseat në Twitter. /arbresh.info/

Alles gut ?? Best present I could have for the man today was to score & help us get the 3 points. Welcome back @woodyinho ?? #AndAnotherOne ? pic.twitter.com/XOkbrAtg2T

— Michy Batshuayi (@mbatshuayi) February 10, 2018