Transferimi më i fundit i Liverpoolit, Takumi Minamino ka thënë se mund të flasë gjuhën gjermane dhe kjo do i ndihmoi të komunikojë me trajnerin Jurgen Klopp.

Minamino ka mësuar gjuhën gjermane në katër vitet e fundit që ka kaluar me gjigantin austriak, RB Salzburg, transmeton portali arbresh.info.

Japonezi, i cili do transferohet në “Anfield” me 1 janar ka thënë se dëshiron të përmirësohet sa më shumë.

“Jam duke shikuar të punojë me Jurgen Klopp, një ndër gjërat më të mira është që mund të flasim gjermanisht, sepse flas pak gjermanisht”

“Mendoj që është një ndër trajnerët më të mirë në botë dhe gjithmonë dua ta përmirësoj vetën, andaj do jetë mirë të kontribuoi për skuadrën”

Liverpool këtë të shtunë do luajë në finale kundër Flamengos në kuadër të Kupës së Botës për klube./arbresh.info.