Messi nuk e mendon më rikthimin te Barcelona

09:13 | 9 Dhjetor 2022

Lionel Messi thuhet se ka në mendje tjera opsione për të ardhmen e tij, pas kësaj vere dhe rikthimi te Barcelona nuk është pjesë e planeve.

Destinacioni i ardhshëm i yllit të Paris Saint-Germain dhe Argjentinës varet shumë nga fitimi i tij në Kupën e Botës “Katar 202” këtë dimër.

Megjithatë, sipas El Nacional, legjenda e futbollit i ka thënë ish-klubit të tij, Barcelonës, se ai nuk do t’i bashkohet atyre verën e ardhshme, pavarësisht nga rezultatet në Kampionatin Botëror, shkruan telegrafi.

Raporti thotë se nëse Messi do të fitonte Kupën e Botës, ai do të transferohej te Inter Miami në MLS për disa sezone përpara se të pensionohej.

Nëse ai do të dështonte në detyrën e tij, ai do të zgjaste kontratën me PSG-në edhe për një vit deri në vitin 2024, me shpresën për të fituar përsëri Ligën e Kampionëve.

Ndryshe, Messi është duke zhvilluar një Kampionat Botëror të mirë, ku deri tani ka shënuar tri gola dhe ka udhëhequr Argjentinën drejt kualifikimit në çerekfinale.

 

Shpërndaje në rrjete sociale