Barcelona ka siguruar fitoren e tretë radhazi nga tri ndeshjet e zhvilluara deri tani këtë sezon në La Liga.

Gjiganti spanjoll ka regjistruar fitore me rezultat të thellë 5 me 0 në derbin katalunas kundër Espanyolit në Camp Nou mbrëmjen e së shtunës, shkruan portali arbresh.info.

Lionel Messi ishte magjik duke realizuar hat-trickun e tij të 42-të në karrierë. Superylli i Barcelonës shënoi tri gola (26′) (35′) (67′) ndaj rivalit më të vështirë deri tani për skuadrën e trajnerit Ernesto Valverde, i cili ka nisur mjaftë mirë edicionin e ri.

Goli i katërt i këtij takimi u shënua nga mbrojtësi Gerard Pique, i cili realizoi me kokë në minutën e 87′ pas asistimit nga Ivan Raktic, por Luis Suarez përmbylli gjithçka me një gol në minutën e 90′ pas asistimit nga talenti Ousmane Demebele, i cili debutoi në këtë takim.

Barcelona, e cila nuk është mposhtur nga Espanyoli që nga sezoni 2008/09, qëndron në pozitën e parë në tabelë me nëntë pikë të grumbulluara nga tri fitore të njëpasnjëshme./arbresh.info/

Shikoni të gjitha golat:

https://streamable.com/qdcx8

https://streamable.com/kvwl8