Lionel Messi ka zbuluar se ishte i kënaqur me fjalët lavdëruese të Antonio Contes pasi golat nga sulmuesi i Barcelonës eliminuan Chelsean nga Liga e Kampionëve.

Reprezentuesi argjentinas realizoi dy herë dhe krijoi një asistim te Ousmane Dembele në fitoren 3 me 0 të Barcelonës në Camp Nou, transmeton portali arbresh.info. Conte iu afrua Messit në fishkëllimën e fundit dhe lavdëroi 30-vjeçarin që shënoi golin e 100-të të tij në Ligë të Kampionëve.

Messi reagoi më pas në konferencë për shtyp duke thënë:

“Nuk e kam dëgjuar atë, por ata më treguan se çfarë ka thënë dhe unë e falënderoj atë për fjalët e tij”, ka thënë fillimisht superylli i gjigantit katalunas.

“Jam i lumtur se si përfundoi nata dhe që kemi arritur në çerekfinale, gjë të cilën ne e donim”

“Jam i lumtur gjithashtu që kam arritur numrin e 100 golave në këtë kompeticon kaq të bukur, por gjëja më e rëndësishme ishte për të vazhduar tutje nga një ndeshje e vështirë kundër një skuadre me shumë lojtarë të mirë”

“Ne arritëm të shënojmë shpejtë dhe kjo ishte e rëndësishme. Jam i lumtur se si ndodhi gjithçka. Kjo ishte një ndeshje e vështirë dhe ne ishim të fortë si një skuadër. Kur ne shënuam golin e tretë atëherë takimi ishte pothuajse i yni”

Barcelona mposhti me rezultat të përgjithshëm 4 me 1 kampionin në fuqi të Premierë Ligës./arbresh.info/