CEO i sponsorit të Inter, Pirelli, pretendon se Radja Nainggolan dhe Mauro Icardi mund të jenë si Wesley Sneijder dhe Diego Milito.

Inter mbetet i vetmi klub italian që ka fituar tripletën, dhe kjo falë Sneijder dhe Milito, dhe Marco Tornchetti Provera mendon se një partneritet i ngjashëm mund të ndodhë edhe këtë sezon.

“Merkato e Inter ka qenë e shkëlqyer, duke filluar me Nainggolan,” shprehet ai për Gr Parlamento.

“Ai është një lider i lindur dhe me Icardi, mund të jenë si Sneijder dhe Milito në sezonin e tripletës.

“Icardi te Real? Mendoj dhe shpresoj që Icardi të vazhdojë aventurën me Inter, ai duhet të luftojë për Scudetto-n.

“Ronaldo? Ronaldo i bën mirë kampionatit italian. Por shpresoj që edhe Suning të bëjë blerje të mëdha.

“Messi? Si mund t’i thuash jo Messi-t. Nëse do të ekzistonin konditat për marrëveshjen…”/Telesport.al