Gara për ”Topin e Artë” sivjet është e ashpër midis shumë futbollistëve, por dy nga më kryesorët janë Ousmane Dembele dhe Lamine Yamal.

Lidhur me çmimin më prestigjioz individualisht në futboll është pyetur edhe ylli francez dhe i Real Madridit, Kylian Mbappe, shkruan Arbresh.info.

Ai ka thënë se Dembele e meriton këtë çmim.

“Unë mendoj se Dembele e meriton ‘Topin e Artë’. Po të ishte në dorën time, do të shkoja t’ia dorëzoja trofeun në shtëpi”, tha ai.

Tutje u pyet edhe për futbollistin e Barcelonës, Lamine Yamal.

“Lamine Yamal do fitojë “Topin e Artë”? Ai është një lojtar i Barcelonës, nuk mund të them asgjë. Dembele e meriton, që nga fillimi e kam mbështetur. Shpresoj që edhe Hakimi të renditet lart”, potencoi Mbappe.

Ceremonia e Topit të Artë do të mbahet në Paris me datë 22 shtator. Fitues në fuqi i këtij çmimi është Rodri./Arbresh.info