Maxi Lopez konfirmon se ai ka “falur” ish-shokun e skuadrës së Sampdoria, Mauro Icardi, pas grindjes publike të çiftit për bukuroshen Wanda Nara.

Icardi kishte një lidhje me Wandan ndërsa ajo ishte e martuar me Lopezin dhe ata ishin kolegë, por ish-sulmuesi i Milanit siguroi se nuk kishte asnjë armiqësi mes ish-shokut të tij.

“Zgjodha të isha i lumtur dhe bëra një zgjedhje jetese. Gjërat mund të shkojnë mirë ose keq”, tha Maxi për Club 947, shkruan Football Italia, transmeton Telegrafi.

“Marrëdhënia ime dështoi, por u bëra baba nga ajo. Ishte thjesht një situatë. Gjërat vazhdojnë dhe unë zgjodha të jetoj kështu: me energji të mirë”.

“Unë mendoj se zgjodha opsionin më të mirë. Të gjithë kanë probleme dhe komplikime, por jeta juaj zhvillohet bazuar në mënyrën se si i përballoni ato”, tregoi tutje Lopez.

“Unë er kam falur Icardin dhe nuk kam probleme me të. Objektivi im në jetë, përveç futbollit, në një kuptim njerëzor, është të përpiqem të gjej dhe t’u dhuroj lumturi fëmijëve të mi”, shtoi futbollisti.

35-vjeçari u kthye në Itali gjatë verës, duke iu bashkuar Serot B Crotone.