Manchester United ka arritur të rrëmbej tri pikë të plota nga ndeshje e sotme (e shtunë) kundër Bournemouthit.

“Djajtë e Kuq” kanë regjistruar fitore me rezultat të ngushtë 1 me 2 në takimin e zhvilluar si mysafirë në kuadër të xhiros së njëmbëdhjetë në Premierë Ligë kundër Bournemouthit, shkruan portali arbresh.info.

Skuadra e Jose Mourinhos me një tjetër përmbysje të rezultatit arriti të dal fituese nga takimi i pasdites së sotme i zhvilluar në stadiumin Vitality.

Nikoqirët arritën të realizonin të parët duke shënuar përmes Callum Wilson për 1 me 0 qysh në minutën e 11′ të ndeshjes.

Por, “Djajtë e Kuq” arritën të rikthehen në lojë duke barazuar shifrat ende pa u mbyllur pjesa e parë e ndeshjes. Derisa po zhvillohej minuta e 35′ e ndeshjes, Alexis Sanchez krijoi një aksion të bukur duke asistuar në fund për Anthony Martial që finalizoi në formë të shkëlqyer goditjen duke barazuar gjithçka për 1 me 1.

E gjithë ndeshja kishte një intensitet më të madh në pjesën e dytë, por sekondat e fundit të takimit vendosën fituesin e ndeshjes.

Marcus Rashford, i cili u inkuadrua në fushë në pjesën e dytë si zëvendësues i Juan Matas, ishte heroi i gjigantit anglez duke realizuar për 2 me 1 në një rrëmujë pran zonës pran portës së nikoqirëve.

Mesfushori francez Paul Pogba ishte asistues i këtij goli vendimtar.

Manchester United tani qëndron në pozitën e shtatë në tabelë me 20 pikë, ndërsa Bournemouthi qëndron një pozitë më artë por me pikë të njëjta./arbresh.info/