Udhëheqësia e Manchester United ka miratuar një ofertë prej 91 milionë eurosh për sulmuesin e Tottenhamit, Harry Kane, sipas raportimeve.

Kane është admiruar nga bordi i United për disa vite, por sulmuesi i Napolit, Victor Osimhen, i cili ka shënuar 21 gola në Serie A këtë sezon, është gjithashtu në radarin e klubit.

Megjithatë, Daily Star raporton se Ten Hag e ka bërë Kane objektivin e tij prioritar, ndërsa Drejtori Ekzekutiv i United, Richard Arnold, tani ka dhënë dritën jeshile për një ofertë prej 91 milionë eurosh.

Raporti pretendon se United është i prirur për të përfunduar marrëveshjen sa më shpejt të jetë e mundur dhe do të hapë negociatat me Tottenhamin para se të përfundojë sezoni, transmeton Klankosova.tv.

Ten Hag gjithashtu beson se nënshkrimi i Kane këtë verë do ta bëjë United pretendent për titullin e Premier League sezonin e ardhshëm.