Mallorca ka arritur të mposht Gironën me rezultat 3-2, në kuadër të çerekfinales së Copa del Rey.

Skuadra nga ishulli spanjoll bëhet skuadra e dytë gjysmëfinaliste pas Sociedadit duke eliminuar liderin e La Ligës, Girona, shkruan Arbresh.info.

Pjesa e parë ishte vendimtare për skuadrën e Vedat Muriqit, që krijoi epërsinë prej tre golash.

Larin e nisi serinë e golave për vendasit në minutën e 21-të.

Shtatë minuta më vonë Prats dyfishoi epërsinë, kurse i njëjti lojtari në minutën e 35-të nga penalltia realizoi golin e tretë.

Ndërkohë Girona golin e parë e shënoi në minutën e 68-të përmes Stuanit nga penalltia.

Pikërisht para penalltisë Raillo u ndëshkua me dy karton të verdhë brenda një minuti dhe u përjashtua nga loja.

Ndërkohë Savio në minutën e gjashtë të kohës shtesë ngushtoi epërsinë në 3-2.

Por kaq ishte pasi Girona nuk arriti të shënoj më dhe Mallorca arriti kualifikimin në gjysmëfinale të Kupës së Mbretit.

Vedat Muriqi luajti këtë ndeshje nga minuta e 71-të dhe bëri një paraqitje pozitive./Arbresh.info/