Portieri i Milanit, Mike Maignan, nuk do të mund të luajë në Botërorin e Katarit, që do të fillojë pas një muaji.

Kjo për shkak të lëndimit të tij në këmbë në ndeshjen e Francës ndaj Austrisë në Ligën e Kombeve më 22 shtator, shkruan arbresh.info.

Trajneri i Milanit, Stefano Pioli, njoftoi se portieri francez do të mbetet jashtë fushave të blerta të paktën edhe tre muaj, pra, deri në janar.

27-vjecari në këtë sezon me Milanin ka luajtur vetëm 7 ndeshje, ku ka zhvilluar paraqitje të mrekullueshme me pritje të shumta.

Botërori i Katarit do të fillojë më 20 nëntor dhe do të mbarojë më 18 dhjetor.

Ndërsa te Franca, pas lëndimit të Maignan, portieri dhe kapiteni i kombëtares, Hugo Lloris, pritet që sërish ta ketë vendin e padiskutueshëm në portën e “Gjelave”./arbresh.info/