Kampionët vjeshtor në Vala Superligën e Kosovës në futboll, skuadra e Llapit, kanë pësuar humbje nga Shakhtar Donetsk U21 me shifrat 4:2, përcjellë arbresh.info.

Llapi tash e ditë ndodhet për përgatitje në Turqi, para nisjes së stinorit pranveror në Vala Superligën e Kosovës në futboll.

“Miqësore: Shakhtar Donetsk U21 – Llapi 4-2

Llapi nuk fiton pavarësisht kundërshtarit dhe lojës tejet të fortë

Belek, 1 shkurt, 2018 – Llapi është mposhtur nga Shakhtar Donetsk U21 me rezultat 4-2. Të dy golat për Llapin i shënoi Mentor Zhdrella, madje njërin eurogol nga gjuajtja e lirë.

Pavarësisht humbjes Llapi bëri një lojë tejet të mirë ani pse kundërshtari ka përvojë në Ligën e Kampionëve me kundërshtar të nivelit të lartë europian!

Nesër Llapi zhvillon testin e radhës miqësor ndaj FC Suduva”, thuhet në njoftimin e Llapit. /arbresh.info/