Roberto Firmino është përfshirë në skuadrën prej 23 lojtarëve në dispozcion të Liverpoolit për ndeshjen në udhëtim kundër Barcelonës.

Skuadra e Liverpoolit për ndeshjen kundër Barçës: Fabinho, Van Dijk, Wijnaldum, Lovren, Milner, Keita, Firmino, Mane, Salah, Gomez, Alisson, Henderson, Sturridge, Moreno, Oxlade-Chamberlain, Mignolet, Shaqiri, Brewster, Robertson, Origi, Matip, Kelleher, Alexander-Arnold.

Firminoi mungoi në fitoren 5 me 0 të “Redsave” ndaj Huddersfieldit mbrëmjen e së premtes për shkak të një problemi të lehtë muskulor, transmeton portali arbresh.info.

Por, tifozët e skuadrës sigurisht se do të jenë të kënaqur me të mësuar se braziliani është pjesë e skuadrës që udhëton në Spanjë për takimin e parë në kuadër të gjysmëfinaleve.

Fabino është gjithashtu në dispozicion kundër Barcelonës edhe pse mungoi në dy takimet e mëparshme për shkak të një lëndimi në kokë që mori ndaj Cardiff Cityt.

Xherdan Shaqiri është po ashtu i përfshirë në skuadër për ndeshjen në Camp Nou, por ylli kosovar nuk pritet të jetë pjesë e linjës startuese dhe vështirë se do të marrë disa minuta në fund ndonëse shkëlqeu gjatë 15 minutave në fitoren e thellë të së premtes./arbresh.info/