Trajneri i Liverpoolit, Jurgen Klopp kishte katër opsione përpara se të nënshkruante me sulmuesin Diogo Jota nga Wolerhampton Wanderers.

Ish-sulmuesi i Wolves, Jota ka shënuar shtatë gola për Reds, përfshirë gjashtë në katër ndeshjet e tij të fundit, duke kulmuar me një het-trik ndaj Atalanta në Ligën e Kampionëve në fitoren 5-0.

Megjithatë, sulmuesi 23-vjeçar portugez nuk ishte zgjedhja e parë e Reds dhe trajneri Klopp kishte katër opsione për të nënshkruar.

Sipas mediumit The Times, Timo Werner, Ismaila Sarr dhe Jonathan David ishin opsionet e tyre të tjera.

Werner u bashkua me Chelsea nga RB Leipzig, ndërsa çmimi i Watford për Sarr u konsiderua i lartë, kështu që pretendohet se nga katër u bënë dy, dhe duket se kampionët e Ligës Premier patën fat duke humbur Davidin.

Reprezentuesi kanadez dëshironte të luante çdo javë dhe u bashkua me Lille, ku ishte e qartë një rrugë drejt ekipit të parë, nga klubi belg, Gent.

Sidoqoftë, ai nuk e ka parë të lehtë shkëlqimin me klubin e Ligue 1 dhe ende nuk ka shënuar në 12 paraqitje, ndërsa Jota po shkëlqen në Anfield. /Telegrafi/