Sipas raporteve në Spanjë, Lionel Messi do t’i jap fund spekulimeve rreth të ardhmes së tij duke nënshkruar kontratë të re te Barcelona.

30-vjeçari ka vetëm edhe një vit të mbetur në marrëveshjen aktuale dhe mund të largohet nga Camp Nou falas vitin e ardhshëm, transmeton portali arbresh.info. Por, Messi ka rënë dakord për të vazhduar kontratën te gjiganti katalunas për edhe tri viteve, përfshirë opsionin për të vazhduar edhe për një vit.

Klauzola e lëshimit të Lionel Messit do të jetë 300 milionë euro.

Messi aktualisht është në muajin e mjaltit pas martesës me Antonella Roccuzzon të premten e kaluar, por ai do të nënshkruaj kontratë të re kur të rikthehet javën e ardhshme për stërvitje para fillimit të ndeshjeve para sezonale.

Manchester City ka eksploruar mundësitë për të nënshkruar me sulmuesin, i cili mund t’i bashkohet ish trajnerit Pep Guardiola. Megjithatë, drejtori ekzekutiv Ferran Soriano ka pranuar që përpjekjet e tij për të siguruar transferimin e reprezentuesit argjentinas ishin të kota.

Kur është pyetur rreth mundësisë së transferimit të Lionel Messit, Soriano është përgjigjur thjeshtë: “Jo, nuk mendoj se është e mundur”./arbresh.info