Manchester City i është bashkuar garës për sulmuesin e Interit, Lautaro Martinez.

Argjentinasi është i lidhur me një transferim në “Camp Nou” pasi është duke kaluar formë të shkëlqyer te “Neurazurët”, transmeton portali arbresh.info.

City dëshiron transferimin e 22-vjeçarit pasi po e shohin si pasuesi i Sergio Aguero, kontrata e të cilit përfundon në vitin 2021.

Martinez ka shënuar 13 gola dhe ka bërë tri asistime në kuadër të kampionatit italian ndërsa ka shënuar pesë gola në Ligën e Kampionëve, garë nga e cila janë eliminuar.

Nga ana tjetër, ekipi i Pep Guardioles është në formë jo shumë të mirë pasi janë në vendin e tretë në Premierë Ligë ndërsa në Ligën e Kampionëve do luajnë kundër Real Madrid.

Vlera e Martinez prek shifrën prej 84 milionë euro./arbresh.info.