Meqenëse ndeshjet në kampionate janë ndërprerë për një kohë, statistika të ndryshme kanë filluar të shfaqen në lidhjet takimet e zhvilluara deri tani.

Sipas një statistike befasuese të zbuluar nga WhoScored, Milot Rashica bazuar në një kriter të caktuar qëndron menjëherë pas superyllit të PSG-së, Kylian Mbappes, shkruan portali arbresh.info.

Rashica me një përqindje prej 4.4 është lojtari i dytë nën moshën 23-vjeçare me më së shumti goditje drejtë portës brenda 90 minutave lojë.

Forma e tij ka bërë që anësori kosovar, i cili është shfrytëzuar më shumë në pozitën e sulmuesit qendror nga Werder Bremeni në ndeshjet e fundit, të jetë menjëherë pas fituesit të Kampionatit Botëror me Francën gjatë vitit 2018 për nga numri i goditjeve të bëra gjatë 90 minutave lojë.

Pas Rashicës janë lojtarët e tjerë të rinj të talentuar si Federico Chiesa, Lautaro Martinez, Luka Jovic, Sandro Ramirez, Kryzstof Piatek, Moussa Dembele dhe Gabriel Jesus.

22-vjeçari ka realizuar shtatë gola gjatë këtij edicioni në Bundesliga dhe ka krijuar një asistim.

Ylli nga Vushtrria pritet të jetë startues në dy takimet e ardhshme të Kosovës – atë kundër Danimarkës të enjten dhe Bullgarisë në fillim të javës tjetër./arbresh.info/