Kovac ka fjalë të mira për Meriton Shabanin

15:25 | 8 Janar 2019

Meritan Shabani është ndër lojtarët e rinj shqiptarë që luajnë në ligën elitare të futbollit gjerman, Bundesliga.

Mesfushori shqiptar është pjesë e skuadrës më të madhe gjermane, Bayern Munichut.

Rreth cilësisë së lojtarit ka folur së fundi edhe trajneri i ekipit, kroati Niko Kovac, i cili ka lavdëruar lojtarin.

“Hasan Salihamidzic merret me transferimet, por Meritani është duke u zhvilluar mirë. Jam i lumtur. Ai ka luajtur shumë ndeshje për ekipin e të rinjve”, ka thënë Kovac për welt.de.

Javën e kaluar është raportuar prej medieve holandeze se për shërbimet e 19-vjeçarit është interesuar skuadra e madhe e Ajaxit.

Theksojmë se futbollisti këtë edicion për ekipin e parë të gjigantit gjerman ka luajtur dy ndeshje, një në Bundesligë dhe një në kupën gjermane.

Ndryshe, ai ka kontratë të vlefshme me bavarezët deri në qershor të vitit 2020.

Shpërndaje në rrjete sociale

Lajmet më të lexuara