Eddie Hearn ka konfirmuar se Anthony Joshua do të përballet sërish me Andy Ruiz Jr dhe rimeçi do të zhvillohet në muajin nëntor ose dhjetor.

Joshua pësoi një disfatë tronditëse për herë të parë në karrierën e tij profesionale të shtunën gjatë debutimit të tij në SHBA te Madison Square Garden në New York, transmeton portali arbresh.info.

“Pas takimit me AJ, Rob Mc (trajnerin) dhe ekipin menaxhues në New York, ne sot kemi aktivizuar klauzolën për rimeç me Ruiz Jr”, ka shkruar në Twitter promoteri Eddie Hearn.

“Rimeçi do të ndodhë në nëntor/dhjetor në një vend që do të konfirmohet së shpejti”

Ruiz Jr ka konfirmuar më herët se Meksika do të ishte një destinacion i dëshiruar për rimeç nga ana e tij./arbresh.info/

After meetings with AJ, Rob Mc and the management team in NY, we have today triggered the contracted rematch clause with Andy Ruiz Jnr. The fight will take place in Nov/Dec at a venue to be confirmed shortly.

— Eddie Hearn (@EddieHearn) June 4, 2019