Konfirmohet lëndimi i Mustafit, ja sa mungon

09:00 | 29 Janar 2020

Arsenali u njoftua të martën pasi skanimet zbuluan se dëmtimi i këmbës së Shkodran Mustafit nuk është aq serioz sa fillimisht dyshohet.

Mbrojtësi pësoi lëndim pas një përplasje me Emiliano Martinez ndërsa Gunners mposhtën Bournemouth 2-1 në raundin e katërt të FA Cup të hënën.

Me skuadrën veriore të Londrës që tani luan pa shërbimet e Calum Chambers, Sead Kolasinac dhe Kieran Tierney për shkak të dëmtimit, humbja e mbrojtësit gjerman do detyronte klubin të kërkonte një përforcim në këtë afat, transmeton lajmi.net.

Arsenali  ka mësuar se 27-vjeçari nuk do të mbetet jashtë fushës për një kohë të gjatë pasi skanimet treguan se ai vetëm ka ndrydhur kyçin e këmbës.

E ardhmja e Mustafit në Arsenal ka qenë në dyshim kohët e fundit për shkak të disa shfaqjeve të dobëta.

Lajmet më të lexuara