Juventus ka refuzuar një ofertë mjaftë të mirë nga Barcelona për mbrojtësin Matthijs de Ligt.

Dy gjigantët garuan gjatë verës së kaluar për shërbimet e holandezit derisa ai ishte pjesë e Ajax dhe lojtari zgjodhi t’i bashkohet “Zonjës së Vjetër”, transmeton portali arbresh.info.

Mirëpo, interesimi i Barcelonës nuk është shuar dhe para disa ditëve kanë ofruar 75 milionë euro për shërbimet e De Ligt.

Por, përgjigja e “Bianconerëve” ka qenë negative sepse gjiganti italian e sheh De Ligt si pasuesi adekuat i Giorgio Chiellini-t.

Thuhet se Juventus është i kënaqur me përformancat e De Ligt, pavarësisht që nuk kanë qenë në formën më të mirë.

De Ligt gjatë këtij sezoni ka arritur ta zëvendësojë mjaftë mirë Chiellini-n që ishte lënduar, por ky i fundit është shëruar, andaj nuk dihet se kujt do t’i takon pozita e formacionit të parë./arbresh.info.