Juventus ka nisur të përgatitur për jetën pa Cristiano Ronaldo dhe e shohin sulmuesin Paulo Dybala, si pasuesi adekuat.

Ronaldo është në top formë këtë sezon duke shënuar 28 gola në 28 ndeshje, ndërsa ka ndihmuar edhe argjentinasin të jetë në formën e duhur, derisa ky i fundit ka shënuar 11 gola dhe ka dhënë 10 asistime, transmeton portali arbresh.info.

Dybala ka kontratë me “Zonjën e Vjetër” deri në vitin 2022, por thuhet se ka pranuar rinovimin deri në vitin 2025, e cila do ia rris pagesën në 9.4 milionë euro për sezon plus bonuset.

Sipas Tuttosport, Dybala do nënshkruajë kontratën e re para se Juventus-i të vazhdojë aventurën në Ligën e Kampionëve.

“Bianconerët” në ndeshjen e parë janë mposhtur nga Lyon, derisa ndeshja kthyese zhvillohet në Torino.

Nëse kualifikohen, atëherë do përballen me fituesin e ndeshjes Manchester City – Real Madrid./arbresh.info.