Juve humb dy pikë kundër Fiorentinas në “Artemio Franchi”

17:01 | 14 Shtator 2019
Arbresh Info

Juventusi dhe Fiorentina kanë ndarë pikët në ndeshjen e xhiros së tretë të zhvilluar në stadiumin “Artemio Franchi”.

Kampioni në fuqi i Italisë ka humbur dy pikë në takimin si mysafirë pasditen e sotme (e shtunë) të zhvilluar kundër skuadrës së Vincenzo Montellas, shkruan portali arbresh.info.

Ndonëse “Zonja e Vjetër” dominoi me posedim, nikoqirët kërcënuan vazhdimisht portën e portierit Wojciech Szcezney duke bërë 14 goditje, shtatë prej tyre në portë.

Cristiano Ronaldo bëri disa përpjekje për të shënuar, përfshirë edhe tentimin në fund me gërshërë, por asgjë nuk kishte konkrete.

Juventusi vazhdon qëndrimin në krye të tabelës me shtatë pikë – një më shumë se Interi me gjashtë pikë dhe një ndeshje më pak, ndërsa Fiorentina ka siguruar për herë të parë pikë këtë edicion./arbresh.info/